Қазақстанда Джеки Чан ойнайтын жаңа «Құдіретті сауыт» фильмі түсіріледі

Salem Entertainment медиакомпаниясы Джеки Чан басты рөлде ойнайтын «Құдіретті сауыт» («Доспехи Бога») фильмінің төртінші бөлімі Қазақстанда түсірілетінін мәлімдеді, деп хабарлайды Orda.kz.

Жобаға қатысты алғашқы келіссөздер Бейжіңде өткен. Дегенмен негізгі түсірілім жұмыстары Қазақстан аумағында жүргізіледі.

«Бұл — барлығымыз үшін күш пен ресурстарды біріктіріп, әлемдік деңгейдегі әйгілі франшизаны сәтті жалғастыруға әрі Джеки Чанның миллиондаған жанкүйерлерінің сенімін ақтауға берілген тамаша мүмкіндік», — деді Salem Entertainment компаниясының бас директоры Игорь Цай.

Айта кетейік, «Құдіретті сауыт» франшизасының алғашқы фильмі 1986 жылы жарық көрген.