Қазақстанда 1242 елді мекенді су басу қаупі бар

Елімізде су тасқыны қаупі жоғары 1242 елді мекен анықталып, қазіргі таңда бес өңірде тасқын қаупі күшейіп отыр, деп хабарлайды Orda.kz.       

Премьер-министр Ақмола облысына жұмыс сапары барысында Төтенше жағдайларды жою жөніндегі республикалық жедел штаб отырысын өткізіп, су тасқынына қарсы іс-қимыл алгоритмін нақтылады.

Сапар аясында өңірде жүзеге асып жатқан бірқатар жобалармен де танысты. Ақмола, Солтүстік Қазақстан, Қарағанды, Шығыс Қазақстан және Абай облыстарында қар қалың. Көктемде мұздың күрт жүруі жағдайды күрделендіруі мүмкін. Сонымен қатар топырақтың тоңы әлі толық жібімеген.

Төтенше жағдайлар министрі Шыңғыс Әріновтің айтуынша, ықтимал қауіптің алдын алу үшін 39 мың адам, 18 мыңнан астам техника және арнайы құралдар дайындалған. Барлық қызметтер жоғары дайындық режиміне көшкен. Егер жағдай қиындай түссе, қажетті шешімдер жедел қабылданады.

Сонымен қатар үкімет басшысы кейбір өңірлерде бұл мәселеге салғырт қарап отырған жағдайлар бар екенін атап өтті.

Оқи отырыңыз:

• Биыл БҚО-да су тасқыны бола ма? Мамандар жауап берді
• Ұлытаудағы су тасқыны: 47 миллион теңге шығынға байланысты айыпталған шенеунік сотта ақталды
• Көксу ашулы: Су тасқыны салдарынан даулы ГЭС құрылысы тоқтады