Қазақстан ОПЕК+ талабымен мұнай өндіру көлемін қысқартады

Энергетика министрлігі жөндеу жұмыстары мен «икемді тәсілдерге» үміт артып отыр, деп хабарлайды Orda.kz ТАСС агенттігіне сілтеме жасап.

Қазақстан ОПЕК+ келісімі аясында асыра өндірілген мұнай көлемін өтеудің жолдарын іздеуде. Энергетика министрлігінің хабарлауынша, қарастырылып жатқан шаралардың қатарында кен орындарында жөндеу жұмыстарын жүргізу, сондай-ақ өндіріс көлемін уақытша қысқартуға мүмкіндік беретін басқа да техникалық тәсілдер бар.

«Қазақстан өз міндеттемелерін орындау және артық өндірілген көлемді өтеу бойынша барлық мүмкін нұсқаларды қарастырып жатыр», деп атап өтті ведомство.

Бұған дейін Энергетика министрі Ерлан Ақкенженов елдегі мұнайдың 70 пайыздан астамы мемлекеттің өндіріс көлемін қысқарту мәселесіне тікелей әсер ете алмайтын үш ірі халықаралық консорциумда өндірілетінін еске салған болатын.

Техникалық шектеулерге қарамастан, Қазақстан ОПЕК+ аясындағы міндеттемелеріне берік екенін тағы да растады. 3 маусым күні Ақкенженов ОПЕК Бас хатшысы Хайсам әл-Гайспен кездесу өткізді. Сонымен қатар, Қазақстанның энергетика министрі елдің ОПЕК+ келісімінен шығуы мүмкін деген қауесеттерді жоққа шығарып, мұндай болжамдардың негізсіз екенін айтты. Оның сөзінше, бұл мәселе күн тәртібінде жоқ және талқыланып жатқан жоқ.

Биылғы 5 сәуірде энергетика министрлігі ОПЕК + уағдаластықтарын қатаң сақтау және көлемдерді нарыққа біртіндеп қайтарудың бұрын келісілген  кестесін түзетуге дайындығы туралы айтқан болатын.

7 мамырда ведомство сыртқы қысымның нәтижесі ретінде елдегі мұнай өндіру деңгейін ықтимал түзетуге қатысты БАҚ-та пайда болған хабарламаларға түсінік берді. 

Таяу Шығыстағы қақтығыстың өршуі және Ормуз бұғазының жабылуы елеулі экономикалық сілкіністерге әкелуі мүмкін, атап айтқанда, мұнай бағасы барреліне 200-300 долларға дейін көтеріледі.

Сонымен қатар біз жазған қазақ мұнайын өндірген америкалықтардың бұрынғы шенеуніктерге берген парасы туралы  мына жерден оқисыз.