Қазақстан мен Пәкістан стратегиялық әріптес атанып, 37 құжатқа қол қойды

Исламабад қаласында Қасым-Жомарт Тоқаев өзінің соңғы 23 жылда Пәкістанға барған алғашқы қазақстандық президент екенін мәлімдеп, бұл сапардың тарихи маңызы туралы айтты, деп хабарлайды Orda.kz. 

Келіссөз барысында тараптар екі ел арасындағы тауар айналымын 1 жыл ішінде 250 млн АҚШ долларынан 1 млрд долларға дейін жеткізу мақсатын қойды. Екі ел әсіресе көлік-транзит мәселесіне ерекше назар аударды. Пәкістанның премьер-министрі Шахбаз Шариф Қазақстанға транзиттік инфрақұрылымы мен теңіз порттарын қолжетімді қылуға дайын екенін мәлімдеді.

Келіссөздер қорытындысы бойынша тараптар стратегиялық әріптестік орнату туралы декларацияға қол қойды. Сонымен қатар, мұнай-газ және тау-кен өнеркәсібі, инфрақұрылымды дамыту сияқты түрлі салаларды қамтитын 37 келісім мақұлданды.

Тоқаев Қазақстан-Пәкістан бизнес форумына қатысып, үкіметке екі елдің бизнес құрылымдары арасындағы, үкіметаралық комиссия аясындағы ықпалдастықты жандандыруды тапсырғанын хабарлады.

Оқи отырыңыз:

• Ресейде тараздық екі жігіт диверсия жасап істі болды
• Ливияның бұрынғы көсемі Муаммар Каддафидің ұлын атып кетті
• Ресей мен Польша арасындағы дипломатиялық қатынас үзілуге шақ тұр