Қазақстан құрамасының бас бапкері отставкаға кетті

Қазақстан ұлттық құрамасының бас бапкері Әли Әлиев Қазақстан Бельгиядан 0:6 есебімен ұтылғаннан кейін қызметінен кету туралы шешім қабылдады, деп хабарлайды Orda.kz. 

Әли Әлиев ойыннан кейінгі баспасөз мәслихатында команда нәтижесі үшін толық жауапкершілікті өз мойнына алатынын мәлімдеді.

Мұның алдында Әли Әлиевтің шәкірттері Астанада Уэльсті қабылдап, 0:1 есебімен жеңілген еді. Ал, жалпы, іріктеу турнирінде 5 матч өткізіп, оның тек біреуінде – Люксембургпен болған ойында жеңіске жетті.

Әлиев бұл қызметке биыл қаңтарда келген. Ол ресейлік маман Станислав Черчесовты алмастырды.

Айта кетейік, Қазақстанда 7 футбол клубы жекешелендірілуі мүмкін. Бұл туралы Бәсекелестікті қорғау және дамыту агенттігі мәлімдеді. Жекешелендіруге ұсынылған спорттық ұйымдар қатарында «Астана», «Атырау», «Ордабасы», «Тұран», «Шахтер», «Каспий» клубтары бар.