Қазақстан АҚШ-ты көкпардан ойсырата жеңді

Қазақстан ұлттық құрамасы Дүниежүзілік көшпенділер ойындарының үшінші жарыс күнінде де жеңіске жетіп жатыр. Астанадағы «Қазанат» ипподромында Қазақстан құрамасы көкпардан АҚШ-ты ойсырата жеңді, деп хабарлады Orda.kz.

Ұлттық құрама 12:4 есебімен жеңіске жетті.

Бұған дейін Қазақстан көкпаршылары Өзбекстан құрамасын 16:0 есебімен жеңген болатын. 

Сондай-ақ, бүгін Қырғызстан құрамасы Түркия құрамасымен сайыс алаңына шығады. 

Еске сала кетсек, Orda.kz жарыстың екінші күнінің қорытындысы жайлы жазған болатын. Қазақстан ұлттық құрамасы Дүниежүзілік көшпенділер ойындарының екінші күнінде 14 алтын, 3 күміс, 8 қола медаль алды.