Қаза тапқан кеншілер саны 38 адамға жетті – ТЖМ

Костенко атындағы шахтада тағы екі тау-кен жұмысшысының мәйіті табылды. Ендігі жерде қаза тапқандар саны 38 адамға жетті, деп хабарлайды Orda.kz ҚР Төтенше жағдайлар министрлігінің баспасөз қызметіне сілтеме жасап.

Сегіз кеншіні іздеу жалғасуда.

«Іздестіру жұмыстарын жүргізуге шахта ішіндегі қираған техникалар мен кей жерлердегі  құлаған жарлар қиындық тудыруда» деп атап өтті Төтенше жағдайлар министрлігі.

Бұған дейін 36 адам қайтыс болғаны хабарланған болатын. Жарылыстан зардап шеккен 24 кенші Қарағанды, Абай және Шахтинск қалаларындағы ауруханаларда жатыр.

Ал, «АрселорМиттал Теміртау» компаниясы қайғылы оқиғаға байланысты ресми көңіл айту мәлімдемесін жариялады. Компания өз зауыттарының қауіпсіздік көрсеткіштерін жақсарту үшін айтарлықтай күш салғанын мәлімдеді.