Кәмелетке толмаған баланы зорлаған ер адам түрмеден қашып кетпек болды

Семейде кәмелетке толмаған баланы зорлағаны үшін 15 жылға сотталған ер адам қашуға әрекет жасады, деп хабарлайды Orda.kz ҚазТАГ-қа сілтеме жасап.

Сотталушының түрмеде жағдайы нашарлаған. Кейін оны Семей қаласының облыстық ауруханасына жеткізген. Алайда ер адам ауруханада қашып кетуге әрекет жасаған. Кәмелетке толмаған баланы зорлағаны үшін 15 жылға бас бостандығынан айырылған сотталушыны құқық қорғау органдары қызметкерлері ұстады. 

Сотталған адам Қонаевтың тумасы екені белгілі. Оған қатысты қылмыстық іс ҚР ҚК 120-бабының 3-1-бөлігінің 1-тармағы (кәмелетке толмағандарды зорлау) бойынша жүргізілген.