«Қайрат» «Жетісуді» 5:0 есебімен ойсырата жеңді

5 қазан күні Қазақстан Премьер-лигасының 24-турында «Қайрат» өз алаңында «Жетісуді» 5:0 есебімен ойсырата жеңді, деп хабарлайды Orda.kz.

Алматылық «Қайрат» ойынның алғашқы минуттарынан-ақ шабуылға шығып, Талдықорғанның «Жетісуына» айтарлықтай қысым жасады. Есепті 9-минутта Дастан Сатпаев пенальтиден ашты. 19 және 35-минуттарда Жоржиньо екі рет мергендік танытып, дубль авторы атанды. Ал 43-минутта Эдмилсон гол соғып, алғашқы таймда есепті 4:0-ге жеткізді.

Екінші таймның соңғы минутында, 90-минутта, 18 жастағы шабуылшы Азамат Тұяқбаев «Қайраттың» негізгі құрамындағы алғашқы голын соқты.

Бұл жеңіс алматылық клубқа 55 ұпай жинап, ҚПЛ турнирлік кестесінде бірінші орынға қайта көтерілуге мүмкіндік берді. «Астана» 53 ұпаймен екінші орында тұр. Ал «Жетісу» 21 ұпаймен 11-орынға төмендеді.

Айта кетерлігі, Орталық стадионға жиналған жанкүйерлер «Қайрат» командасына зор қолдау көрсетті. Әсіресе жас қақпашы Шерхан Қалмырзаның әрбір сейві көрерменнің ерекше қошеметіне бөленді.

Енді алматылықтарды алда екі маңызды кездесу күтіп тұр: Чемпиондар лигасында «Қайрат» пен «Пафос» арасындағы ойын 21 қазан күні өтеді, ал ҚПЛ аясында 26 қазанда «Қайрат» пен «Астана» кездеседі.

«Қайрат» пен «Реал Мадрид» арасындағы кездесудің  толық репортажы Orda.kz порталынан оқи аласыздар.