«Қайрат» пен «Реал Мадрид» арасындағы матч Алматыда қашан өтетіні белгілі болды

Алматылық «Қайрат» пен мадридтік «Реал» арасындағы тарихи кездесу 30 қыркүйекте өтеді. Чемпиондар лигасының топтық кезеңі аясындағы бұл матч Алматыда ұйымдастырылады, басталу уақыты — 18:45 , деп хабарлайды Orda.kz.       

«Қайрат» үшін бұл — Чемпиондар лигасының негізгі раундындағы алғашқы маусым, сондықтан жанкүйерлердің назары команданың күнтізбесіне және қарсыластарына ауып отыр.

«Қайраттың» толық матч күнтізбесі:

• 18 қыркүйек — қонақта «Спортингке» (Лиссабон) қарсы
• 30 қыркүйек (18:45) — елде «Реал Мадридпен»
• 21 қазан (18:45) — елде «Пафоспен»
• 5 қараша (21:00) — қонақта «Интермен» (Милан)
• 26 қараша (18:45) — елде «Копенгагенмен»
• 9 желтоқсан (16:30) — елде «Олимпиакоспен»
• 20 қаңтар (16:30) — қонақта «Брюггемен»
• 28 қаңтар (21:00) — қонақта «Арсеналмен» (Лондон) — топтық кезеңнің соңғы ойыны.

Бұл матчтар тек Қазақстанда ғана емес, халықаралық деңгейде де зор қызығушылық тудыруда.

Айта кетейік, бір жанкүйер UEFA Чемпиондар лигасы аясындағы «Қайраттың» ойындарына бір ЖСН-ге екі билеттен артық сатпау туралы петиция жариялаған. Мақсат — алыпсатарлыққа жол бермеу және билеттердің шынайы жанкүйерлерге жетуін қамтамасыз ету.