«Қайрат» командасының жанкүйерлері алыпсатарларға шектеу енгізуді сұрады

Футбол жанкүйері Нұрмолда Алдияр УЕФА Чемпиондар Лигасындағы «Қайрат» командасына билеттерді сатуды шектеу туралы петиция жариялады. Расын айтқанда, ол үндеу ресми ePetition-да емес, онша танымал емес GosRating.com сайтында жарияланды, деп хабарлайды Orda.kz.       

Бастамашы әрбір ЖСН иесіне екі билеттен артық сатпауды ұсынды. Оның айтуынша, бұл бұрынғыдай артық билет сатып алып, нағыз жанкүйерлерді құралақан қалдыратын алыпсатарларға тұсау салады.

Құжатта Алдияр клуб пен билет операторларынан:

• бір ЖСН-ге екі билеттен артық сатылмайтын техникалық шектеуді;

• онлайн және офлайн сату кезінде алушылардың деректерін тексеруді;

• қайта сатып алуды болдырмауды;

• ашықтықты және адал сатуды қамтамасыз етуді сұрады.

Естеріңізге сала кетейік, 28 тамызда Монакода Чемпиондар лигасының жалпы кезеңіне жеребе тастау рәсімі өтті. Алматылық «Қайрат» - мадридтік «Реал» қарсыластарының бірі болып таңдалды.

Жыл басында «Челси»  қазақстандық футболшыға рекордтық 4,3 миллион еуро төлейтіні белгілі болды.