«Қайрат» Чемпиондар лигасында соңғы орын алса да 11,6 млрд теңге тапты

Алматылық клуб Чемпиондар лигасында 8 ойын ойнап, УЕФА-дан қомақты төлемақы алды, деп хабарлайды Orda.kz.

Алматылық «Қайрат» Чемпиондар лигасындағы өз жорығын аяқтады. Клуб 36 команданың ішінен ең соңғы болып тұрақталды. Сегіз ойынның жетеуінен жеңілсе де, клуб қаржылық тұрғыдан ұтылмады. «Орда» спорт редакциясының мәліметінше, кіріс сомасы шамамен 11,65 млрд болды.

Бәрінен бұрын «Қайрат» ЧЛ-ға қатысқаны үшін 11,2 млрд қаржы тапқан, ал кипрлік «Пафоспен» есеп айырмасы тең болғаны үшін 422 млн теңге алды. Сондай-ақ, кестеде соңғы орын алғаны үшін клубтың қаржысына тағы 165,8 миллион қосылды. 

Қосымша қаржы тағы сатылым мен телевизиялық және маркетингтік жұмыстардан қосылады.

Еске сала кетейік, бұған дейін Қазақстан Премьер-лигасында болып жатқан сұмдық трансферлер туралы талдамалық мақала жазған болатынбыз.