Қабырғаны бұзып кірген: Павлодардағы банкті тонады деген 4 күдікті Ресейде ұсталды

2024 жылдың қараша айында Павлодар қаласындағы банкте болған ұрлық ісі бойынша күдікті төрт Ресей азаматы Иванов облысы аумағында қолға түсті, деп хабарлайды Orda.kz РИА Новости-ге сілтеме жасап.

Иваново сотының шешімімен үш күдікті қамауға алынып, тағы бірі үйқамаққа жіберілді.

Күдіктілердің бірінің адвокаты Анастасия Терехованың айтуынша, оның қорғауындағы азамат Иванов облысының Вичуга қаласындағы балалар шығармашылық орталығында күзетші болып жұмыс істеген. Қорғаушының мәлімдеуінше, айып тағу олардың сол күні Павлодарда болғанына ғана негізделген. Басқа дәлелдер жоқ. Сондай-ақ ұсталған Ресей азаматтарын өзара байланысы анықталмаған.

Адвокаттың сөзінше, күдікті деп ұсталған азаматтар Павлодарға көліктерді сатып алып, кейін Ресейге апарып қайта сату үшін барған.

Еске салайық, 2024 жылдың қараша айында таңертең банк бөлімшесінен қабырғаның бұзылғаны анықталған. Банк өкілдерінің мәліметінше, белгісіз адамдар 10 қарашадан 11 қарашаға қараған түні ғимаратқа кірген. 

Оқи отырыңыз:

• Рим папасы уағыз дайындауда ЖИ қолданбауға шақырды
• Биыл БҚО-да су тасқыны бола ма? Мамандар жауап берді