Иранда президент сайлауы 28 маусымда өтеді

Иранда 14-ші президенттік сайлау 28 маусымда өтеді.

Мемлекеттік ақпарат құралдарының хабарлауынша, сайлау күнтізбесі бір күн бұрын сот, үкімет және парламент басшылары отырысында бекітілген.

21 мамырда Иранда 19 мамырда тікұшақ апатынан қаза тапқандармен қоштасу рәсімі өтеді. Ал президент Эбрахим Раисиді жерлеу рәсімі бейсенбі, 23 мамырда Иранның солтүстік-шығысындағы Мешхед қаласында өтеді.

19 мамырда Иран президенті Иран-Әзірбайжан шекарасындағы бөгеттің ашылу салтанатына қатысты. Раисидің тікұшағы облыстан қайтып келе жатып тауға құлаған. Сондай-ақ тікұшақ бортында Сыртқы істер министрі Хусейн Амир Абдуллахиан, Шығыс Әзірбайжан облысының губернаторы Малик Рахмати және Тебриз имамы Аятолла Әли Хашим болған. Олардың барлығы қайтыс болды.