Иран Таяу Шығыстағы қақтығысты тоқтатудың екі шартын атады

Иран Таяу Шығыстағы қақтығысты аяқтаудың шарты ретінде АҚШ-тан репарация төлеуді және америкалық әскерлерді Парсы шығанағы елдерінен шығаруды талап етеді, деп хабарлайды Orda.kz.      

Иранның  генерал-майоры Мохсен Резаи соғыстың аяқталуы да өздерінің  қолында екенін айтып, оның аяқталуын екі шарт орындалғанда  дейін күтетінін мәлімдеді.

«Біріншіден, Америка әрекеттері салдарынан келген барлық шығын өтелуі тиіс; екіншіден, болашаққа 100 пайыздық кепілдік қамтамасыз етілуі керек. Бұл да америкалық әскерлерді Парсы шығанағынан шығармайынша мүмкін емес. Сондықтан екінші шарт — америкалық әскерлердің Парсы шығанағынан шығарылуы», — деді Иранның шешімдердің саяси орындылығын анықтау жөніндегі кеңесінің (елдің жоғары кеңесші органы) мүшесі, генерал-майор Мохсен Резаи. 

Еске салсақ, 13 наурызда Иран Үндістан кемелеріне Ормуз бұғазы арқылы қауіпсіз өтуге мүмкіндік бергені мәлім болды. Бұл туралы RT India телеарнасына Үндістандағы Иран елшісі Мохаммад Фатхали хабарлаған болатын.

Оқи отырыңыз:

• Иран Ормуз бұғазы арқылы Үндістан кемелеріне өтуге рұқсат берді
• Иранның жаңа көшбасшысы үндеу жасады: Иран кек алмай қоймайды
• Иран Бахрейн, БАӘ, Катар және Кувейттегі Израиль мен америкалық базаларға жауапты соққы жасады