Иран соғысы: Ормуз бұғазы маңында 150 кеме кептеліп тұр

Кемелерді қадағалау қызметі MarineTraffic деректеріне сәйкес, Парсы шығанағының ашық айдынында, Ормуз бұғазында кемінде 150 кеме қаңтарылып тұр. Олардың арасында шикі мұнай мен сұйытылған табиғи газ тасымалдайтын танкерлер де бар, деп хабарлайды Orda.kz. 

Тағы бірнеше ондаған кеме шығанақтың екінші жағында тоқтап тұр. Кемелер Парсы шығанағындағы ірі мұнай өндіретін елдердің, соның ішінде Ирак пен Сауд Арабиясының, сондай-ақ сұйытылған табиғи газ өндіруден әлемдік көшбасшы саналатын Катардың жағалау маңындағы ашық суларда шоғырланған.

Ормуз бұғазы — Парсы шығанағын Оман шығанағы және Араб теңізімен байланыстыратын мұнай мен газ тасымалдауға арналған негізгі теңіз жолы. Ол арқылы әлемдік мұнай көлемінің шамамен 20%-ы және сұйытылған табиғи газдың 30%-ына дейінгі бөлігі өтеді.

Иран америкалық кемелердің Парсы шығанағына кіруіне шектеу қойған.

Оқи отырыңыз:

• Иранның Тель-Авивке жасаған жауапты зымырандық шабуылынан 2 адам қаза тауып, 27 адам жараланды
• Аятолла Әлиреза Арафи Иранда жаңа Жоғарғы көшбасшы сайланғанға дейін елді уақытша басқаруы мүмкін
• Пәкістандағы Хеменеи жақтастары БҰҰ ғимаратын өртеп, АҚШ консулдығына шабуыл жасады, қаза тапқандар бар