ІІМ-де жаңа департамент құрылды

Ішкі істер министрлігі құрамында киберқылмысқа қатысты жаңа департамент құрылды, деп хабарлайды Orda.kz.

Киберқылмысқа қарсы күресті күшейту мақсатында ішкі істер министрлігінде жаңа департамент құрылды. Бұл бастама азаматтар мүдделерін киберқылмыстарға қарсы іс-қимыл саласындағы қауіп-қатерден қорғауға бағытталған.

«Технологиялардың қарқынды дамуы және интернет-қатерлер санының артуы жағдайында арнайы бөлімше қазіргі заманның сын-тегеуріндеріне неғұрлым тиімді жауап беруге мүмкіндік береді», — деп атап өтті Ішкі істер министрі Ержан Сәденов.

Жаңа департаменттің басшысы болып полиция полковнигі Жандос Сүйінбай тағайындалды.