Хасан ісіне байланысты тың ақпарат пайда болды

«Хуторлықтар» қылмыстық тобының жетекшісі деп танылған Хасан Қасымбеков ережесіз жекпе-жек шебері Арман Әлімовті күштеп ұрлауға арнайы тапсырыс берді деп айылталды, деп хабарлайды Orda.kz.

Instagram-дағы kris_p_talgar парақшасының мәліметінше, қылмыс 2021 жылғы 17 маусымда болған. Әлімовтің анасының айтуынша, шабуылды ұйымдастырушы ретінде Хасан қатысқан және қылмыс орнында өзі де болған. Әлімов ауруханада жатқанда, оның туыстарына түрлі қысым жасалған. Ол кезде тек бір ғана кінәлі адам шартты түрде жазаға тартылғанымен, көп ұзамай ол және сыбайласы Алматыдағы караоке-барда кісі өлтірген. Қылмысқа қатысы бар бес адамның барлығы тек өткен жылы ғана жауапкершілікке тартылды. Дегенмен, қылмысты ұйымдастырған Хасан іс бойынша сотта куәгер ретінде қатысып, жазадан құтылып кеткен.

Айта кетейік, 2021 жылы Хасанның ағасы Аслан Қасымбаев Талғар ауданы әкімі аппаратының басшысы қызметін атқарған.

Бүгін таңертең Хасан Қасымбаев ұсталды. Полиция департаменті Қасымбаевқа қатысты істің мән-жайы зерттеліп жатқанын мәлімдеді.

«2024 жылғы 2 қарашада азамат Қ. 2021 жылдың маусымында азамат А.-ға қасақана ауыр зиян келтіру және ұрлау күдігімен уақытша ұстау изоляторына қамалды. Қазіргі уақытта қылмыстардың барлық мән-жайларын жан-жақты, толық және объективті зерттеуді қамтамасыз ету үшін кешенді тергеу әрекеттері жүргізіліп жатыр» делінген департамент түсініктемесінде.