Халықаралық дау: Үндістан Пәкістанмен шектесетін шекарасын жабады

Кашмирдегі терактіден кейін Үндістан Пәкістан шекарасындағы «Аттари» бақылау-өткізу пунктін жауып тастады, деп хабарлайды Orda.kz.

Үндістанның сыртқы істер министрінің бірінші орынбасары Викрам Мисридің мәліметінше, шекарадан өткендер 2025 жылдың 1 мамырына дейін өз еліне қайта алады.

Жергілікті БАҚ өкілдерінің мәліметінше, екі ел арасында су ресурстарын бөлу туралы келісім Пәкістан трансшекаралық терроризмді қолдауын тоқтатпайынша жүзеге аспайды. Сондай-ақ, Үндістан билігі Пәкістан азаматтарының визаларын жойды.

«Пәкістан азаматтарына Үндістанға SAARC визалық схемасы бойынша кіруге рұқсат етілмейді. Бұрын Пәкістан азаматтарына берілген барлық SPES визалары жойылды деп саналады. Үндістанда SPES визасы бар кез келген Пәкістан азаматының Үндістаннан кетуге 48 сағаты бар», – деп мәлімдеді.

Нью-Делидегі Пәкістанның Жоғарғы комиссиясында қорғаныс, армия, әскери-теңіз күштері және авиация жөніндегі кеңесшілер «non grata», яғни күтпеген, «жағымсыз қонақтар» деп жарияланды. Олар бір апта ішінде елден кетуі керек. Біреу білсе, біреуі білмес 22 сәуірде танымал пахалгам тау курортының аймағында қарулы адамдар туристерге оқ жаудырған болатын. Соңғы мәліметтер сүйенсек, 28 адам қайтыс болды.

Айта кетейік, Қазақстан президенті Қасым-Жомарт Тоқаев болған оқиғаға байланысты көңіл айтқан болатын.