«Халық» қайырымдылық қоры мен Халық банкі су тасқынынан зардап шеккендерге өтемақы төлей бастады

«Халық» қайырымдылық қоры «Халық банкімен» бірлесіп, Атырау облысы Құлсары қаласының су тасқынынан зардап шеккен тұрғындарына кешеден бастап атаулы қаржылай көмек төлей бастады, деп хабарлайды Orda.kz порталы.

Бұл мақсаттарға қордың негізін қалаушы, танымал меценат Тимур Құлыбаев 31,4 млрд теңге бөлді.

«Мен су тасқынынан зардап шеккен тұрғындарға көңіл білдіремін. Алғашқы күндерден бастап су тасқынынан зардап шеккен аймақтарға көмек көрсетудеміз. Президентіміз Қасым-Жомарт Кемелұлы Тоқаевтың басшылығымен біз барлық қиындықтарды бірге еңсеретінімізге сенімдімін», – деді Тимур Құлыбаев.  

Осылайша, дайындық жұмыстарының қорытындысы бойынша Атырау облысындағы Құлсары қаласының тұрғындарына жеке баспанасын қалпына келтіру үшін кешенді төлем жүргізіле бастады. Зиянды бағалауды тәуелсіз сарапшылар жүргізеді, зардар шеккендерден түскен өтініштер бойынша әкімдіктердің жедел штабтары тізім жасайды.

Алынған қаражат бұрыннан бар тұрғын үйді жөндеу немесе жаңа баспана сатып алуға жұмсалуы қажет. «Халық» қоры мен Халық банкі көмек қолын созып, бұл шаралар апаттан аман қалған және баспанасынан айырылған отандастардың жан тыныштығын, үйінің жайлылығын қалпына келтіруге және өз шаңырағын қалпына келтіруге мүмкіндік береді.

Еске салайық, осыған дейін Ақтөбе, Қостанай, Батыс Қазақстан, Ақмола, Атырау, Қарағанды, Ақмола, Атырау, Батыс Қазақстан облыстарындағы су тасқынынан зардап шеккендерге көмек көрсету үшін «Халық қоры» мен «Халық банкі» Солтүстік Қазақстан, Түркістан, Алматы, Павлодар, Ұлытау және Абай облыстарына өз қаражаты мен қызметкерлердің бір күндік еңбекақысын қосқанда бір миллиард 445 миллион теңге бөлген болатын. Сонымен қатар, «Халық қорының» құрылтайшысы Тимур Құлыбаев Атырау облысын қалпына келтіру үшін қосымша 30 миллиард теңге бөлу туралы шешім қабылдады. Осылайша, су тасқынымен күресуге 31,4 млрд теңгеден астам қаржы бөлінді.