Хабиб ұшақтан неге шығарылғанын түсіндірді

UFC чемпионы Хабиб Нурмагомедов өзінің Instagram парақшасында неліктен рейстен шығарылғанын айтып,  ұшақ бортындағы оқиғаға түсініктеме берді, деп хабарлайды Orda.kz.

Нурмагомедовтың айтуынша, әлеуметтік желіде тараған бейнеде бортсерік кіре сала дөрекілік көрсеткен. Ұшақтан шығаруға не себеп болғанын Хабибтің өзі де білмейді.

«Мен ағылшын тілінде өте жақсы сөйлейтініме, бәрін түсінетініме және көмектесуге келіскеніме қарамастан, маған сұрақпен келген әйел өзін өте дөрекі ұстады. Мен бұған не себеп болғанын білмеймін — нәсілдік, ұлттық немесе жеке өшпенділік пе», деп жазды Нурмагомедов.

Екі минуттық әңгімеден кейін бортсерік қауіпсіздік қызметіне қоңырау шалып, Хабибті ұшақтан түсірді. 1,5 сағаттан кейін спортшы басқа әуе компаниясына ауысып, баратын жағына ұшып кетті.

«Мен адамдар мейірімдірек болса екен деп тілеймін», деді Хабиб.