Емханаға келгеніңізді QR арқылы бекіте аласыз

ҚР Денсаулық сақтау вице-министрі Бейбіт Есенбаев QR-код арқылы пациенттер дәрігерге барғанын растай алатынын мәлімдеді, деп хабарлайды Orda.kz. 

Астана, Алматы және Солтүстік Қазақстан облысының кейбір емханаларында пилоттық жоба іске қосылды, соның арқасында емделушілер емханаға барғанын растайды немесе бас тарта алады.

«Емханалар мен клиникалардағы дәрігерлердің жұмыс орнында QR коды болады. Науқас eGov мобильді қосымшасы арқылы QR кодын сканерлейді, содан кейін қосымша науқас туралы ақпаратты: емді бастаған, аяқтағанын, қай медициналық ұйымға келгені және дәрігердің аты-жөнін көрсетеді. Осылайша ол қабылдауда болғанын растай немесе жоққа шығарады», - деп түсіндірді ҚР Денсаулық сақтау вице-министрі Бейбіт Есенбаев. 

Оның айтуынша, ол жерде емделуші медициналық көмек көрсетуге және жеке деректерін өңдеуге келісім бере алады.

«Науқас емханаға бірінші рет келген кезде қағаз жүзінде медициналық көмекке келісім беруі қажет. Біз бұл үдерістердің барлығын толығымен электронды форматқа көшіреміз. Бұл ақпарат Әлеуметтік медициналық сақтандыру қорына жіберіледі. Онда көрсетілген қызметтерді төлеу немесе төлеуден бас тарту туралы шешім қабылданады», - деп қосты Бейбіт Есенбаев.