Елімізде 700-ден астам талапкер негізгі ҰБТ емтиханынан өтпеді

Қазақстанда 700-ден астам талапкер негізгі ҰБТ  талаптарын бұзып, емтиханнан шеттетілді, деп хабарлайды Orda.kz. 

Биыл ҰБТ тапсырған 210 мыңнан астам талапкердің 711-і емтиханнан өтпеді. 

Тыйым салынған құрылғыларды – смартфондарды, смарт-сағаттарды, микро-құлаққаптарды алып жүрген 326 талапкер тестілеуден өте алмады.

Сонымен қатар бейнежазбалардан тағы 5 адамның тәртіп бұзғаны анықталды. 

Негізгі ҰБТ-2025-ті 210 мыңнан астам талапкер тапсырды. 76,5% – ы қазақ тілінде, 23,5% – ы орыс тілінде, 149 адам ағылшын тілінде тестілеуден өтті. 

Тестілеу қорытындысы бойынша 161 мыңға жуық талапкер шекті балл жинады. 

Айта кетейік, мамыр айында Қордай ауданының 2 мектебінде қызмет ететін мұғалімдер оқушының орнына ҰБТ тапсырғаны белгілі болды.