Дүниежүзілік банк Мароккодағы жер сілкінісінен зардап шеккендерге қолдау көрсетеді

Дүниежүзілік банк Мароккодағы жер сілкінісінен зардап шеккендерге жан-жақты көмек көрсетуге уәде берді. Банктің тиісті мәлімдемесі жарияланды.

Қаржы институты мәлімдемеде Марракештің оңтүстігіндегі аудандарда қайғылы қазаға, біраз адам жарақат алып,  қирауға әкелген жойқын жер сілкінісінен зардап шегіп жатқан Марокко халқына жанашырлық танытатынын мәлімдеді.

«Біз Корольдікке ең жоғары деңгейде көңіл айттық және осы апаттан кейін елге толық қолдау көрсетеміз. Қазіргі кезеңде біздің жалғыз басты назарымыз Марокко халқы мен осы қайғылы оқиғамен күресіп жатқан билікке бағытталады» делінген құжатта.

Бұдан бұрын хабарланғандай, Марокко билігі жер сілкінісі құрбандарының саны қазірдің өзінде 2012-ден асты, тағы 2059 адам зардап шекті, оның 1404-інің жағдайы ауыр. Марокко королі VI Мұхаммед елде үш күндік қаралы күн жариялады.

Апат салдарынан баспанасынан айырылғандардың барлығына дереу көмек көрсетуді тапсырды. Және ол билікке қиын жағдайға тап болған марокколықтардың, соның ішінде жетімдердің шығындарын жабуды тапсырды. 

Көптеген елдер жойқын жер сілкінісі зардаптарын жоюға көмек көрсетуге дайын екендіктерін мәлімдеді.