Дінтанушы мектептерде хиджаб киюге тыйым салатын петиция ұсынды

Дінтанушы Әл-Фараби Болатжан мектептерде хиджаб киюге тыйым салатын петиция ұсынды.

Бұл туралы Orda.kz хабарлады. 

Epetition.kz сайтында «Білім туралы» заңға қатысты толықтырулар енгізу үшін петиция жарияланды. Бұл бастаманы қолға алған дінтанушы Әл-Фараби Болатжан еліміздің мектептерінде хиджаб пен өзге де діни киімдерге заңнамалық деңгейде тыйым салу қажет деп санайды.

Петиция құжатында ұсыныстың не мақсатпен құрылғаны көрсетілді. Онда «Мемлекеттің зайырлы негіздерін, қазақстандық ұлттық бірегейлікті, конфессияаралық және этносаралық келісімді нығайту» үшін делінген. Әл-Фараби Болатжан ұсынысын «Білім туралы» заңға және ғылым және жоғары білім министрінің бұйрығына жүгіне отырып жасады. Ол құжатта Қазақстанда мектеп формасының қандай болуы керегі туралы нақты жазылған. 

Дінтанушы мектептерде діни киім киюге тыйым салынған Франция тәжірибесіне жүгінеді.