Депутат Тұрлыхановтың баласының «жыр» болған жазасына жауаптылар жазаланды

2 жылға бостандығына шектеу жазасына кесілген депутаттың ұлы Болат Нұрасылдың пробациялық бақылауына жауапты қызметкерлер жазаланды.

Бұл туралы қылмыстық-атқару жүйесі комитеті брифинг барысында хабарлады.

Бұған дейін бұл іс бойынша қылмыстық-атқару жүйесі комитеті  үкімнің пробация қызметіне кешіктіріліп келгенін айтқан болатын. Бүгін комитет төрағасы Теңізжан Жәнібеков процессуалдық заңбұзушылыққа жол бергендер жазаланғанын айтты.

«Сотталған азамат пробациялық бақылауға үкім шыққан күні есепке алынады. Олар үкімнің 14 тамызда орындауға алғанын айтты. Дегенмен кейінен анықталған процедуралық бұзушылықтар үшін бірқатар кінәлілер тәртіптік жауапкершілікке тартылды», — деді ол.

Еске сала кетейік, бұған дейін Дәулет Тұрлыхановтың 2 жылға бостандығына шектеу қойылған ұлы Нұрасыл Болат түнделетіп жүргені жайлы жазған болатын.