ҰБТ-ның бірінші ағынына тіркелу басталды

Түлектер ҰБТ-ға өз бетімен тіркеледі және оларға ешкім кесте жасай алмайды, деп хабарлады Ұлттық тестілеу орталығының директоры Дидар Смағұлов.

Ол соңғы уақытта түлектерге тестілеу күнін өз бетінше таңдауға тыйым салынғаны туралы шағымдар келіп түскенін атап өтті.

—  Барлық білім басқармалары мен бөлімдерімен онлайн-жиналыс өткізіліп, 300-ге жуық адам қатысты. Біз әріптестерімізге түлектерге қысым көрсетіліп жатқандығы туралы ақпаратты жеткіздік. Бұған ниет білдірушілерді ҰБТ өтетін жерге тегін жеткізу ұйымдастырылған жағдайда ғана жол беріледі. Бірақ мұның бәрі өз еркімен өтеді!, - деп жазды Дидар Смағұлов.

Ол сондай-ақ 15-30 сәуір аралығында түлектер үшін алғашқы тіркелу қолжетімді болатынын хабарлады. ҰБТ тапсырудың екінші мүмкіндігіне 1 мамырдан бастап тіркелуге болады: түлек бірінші рет емтихан тапсырмаса да, кез келген күнді таңдау мүмкіндігі бар.

—  Бұл тестіленушілер арасында орындарды біркелкі бөлу үшін жасалады! Сондай – ақ, ҰБТ ЖОО-ға түсуге арналған емтихан екенін және ол аттестаттағы бағаларға әсер етпейтінін еске сала кетейік. Менің ойымша, бұл мәселе де жабылады!, - деді Дидар Смағұлов.