Бишімбаев ісі Қазақстан имиджіне әсер етті ме?

Жер-жаһанға әйгілі болған экс-министрдің соты Қазақстанның әлемдік аренадағы имиджіне әсер етті ме? СІМ өкілі Айбек Смадияров өp жауабын берді, деп хабарлайды Orda.kz порталы.

Брифингте журналистер Сыртқы Істер министрлігінің ресми өкілі Смадияровтан Бишімбаевқа қатысты сот процесі кезінде Еуропа мен Америкадағы бірқатар шерулерге қатысты пікір беруді сұраған болатын.

«Оны елімізде болып жатқан процесті жақын қабылдаған қарапайым азаматтар ұйымдастырған болар. Бүгін Мемлекет басшысы заңға қол қойды (тұрмыстық зорлық-зомбылық туралы - еск.). Қазақстанның имиджіне ешқандай нұқсан жоқ деп ойлаймын. Расында, көптеген аймақтық серіктестермен салыстырғанда біз әлдеқайда алдамыз. Бұл – халқымыздың шетелдегі азаматтық ұстанымының қалыпты көрінісі. Жастардың бұған өте белсенді қатысып, өз ұстанымдарын көрсетіп жатқаны қуанарлық жайт», - деп жауап берді СІМ ресми өкілі.