Белгілі әнші Мұқасан «Нұрмұқасан» тобына жаңадан қосылған Ғалымжанды көгала қойдай етіп сабап тастады

Бейнедегі сөзі бойынша Жан Ахмадиевке «Нұрмұқасан» тобына жаңадан қосылған Ғалымжан хабарласқан. Ол осы топтың бұрынғы әншісі Мұқасан Шахзадаевтан таяқ жегенін айтып, шағынған. Оның айтуына қарағанда, Мұқасан бірнеше адаммен қосылып алып, оны аяусыз соққыға жыққан, деп хабарлайды Orda.kz.       

Салдарынан Ғалымжан түрлі дене жарақатын алып, тіпті мұрны мен қолы сынған. Қазір ол Шахзадаев жазадан құтылып кетуі мүмкін деп алаңдап отыр екен.

Бейненің басында Ғалымжан өзінің сау тамтығы жоқ бет-әлпетін көрсетіп: «бастың бәрі ісіп кеткен» дейді.

Одан кейін бейнеге шыққан Жан Ахмадиев:

«Дәл қазір сағат 7.30 болды. Біз №12 ауруханада тұрмыз. Менің қасымда «Нұрмұқасан» тобының жаңа әншісі – Ғалымжан бауырымыз тұр. Ғалымжанның пайымдауынша осы айдың жиырмасы күні «Нұрмұқасан» тобының бұрынғы әншісі Мұқасан мырза, өздеріңіз көріп тұрғандай, оны аямай сабаған», - дейді. 

Болған оқиғаны айтып тұрып, Жанның неге «пайымдауынша» деген сөз қолданғанын түсінбедік. 

Ол Ғалымжаннан оқиғаны баяндап беруді сұрағанда:

«Маған Мұқасан хабарласып, «Біздің әнімізді рұқсатсыз пайдаланып жатқандарың үшін сендерді сотқа бердім. Бүгін кел!» деді. Мен кино түсіріп жатқандықтан  «Уақыт беріңіз, арасында уақыт тауып барамын» дедім. Мән -жайды түсіндіріп айттым, түсінді. «Нұрлан келіссе, мен де келісемін» деді. Бірақ, ертесіне қайтадан «маскасын» киіп алып, жанындағы «күшіктерімен» қосылып, өзі бастап, жабылып ұрды», - деп баяндап берді. 

Ғалымжанның сөзіне сенсек, оны Мұқасан «сөйлесу үшін» шақырып алған. Бірақ әңгімелері жараспаған соң кетіп қалмақшы болған.

«Сау болыңыз, ертең сөйлесейік, деп қақпасынан шығып бара жатқанда өзі бастап ұрды, артынша «көмекшілері» жабылды»,-  дейді Ғалымжан. 

Төбелес соңы полиция шақырумен аяқталған.  

«Мұқасан жанындағы екі жігітпен сізді ұрып, тепкіледі. Иә, Мұқасан ол кезде мас болған», - деп нақтылай түседі Ахмадиев. 

Бұл сұраққа Ғалымжан «иә» деп жауап берді.

«Сонымен 102 шақырдыңыздар, ал қазіргі таңда Мұқасын СИЗО-да жоқ. Неге?», - деп сұрайды Ахмадиев. 

Ғалымжан болса, Мұқасанның өз қақпасынан қол бұлғап шығарып салғанын айтады.

«Иә, полиция келді. Ол қақпасының алдынан қол бұлғап шығарып салды. 102 оны емес, керісінше мені алып кетті», - деп жауап берді әнші. 

Сонымен қатар Жан Ахмадиев таяққа жығылған Ғалымжан Мұқасаннның халық алдындағы беделін, таныстығын пайдаланып бұл іске жуап бермей, құтылып кете ме деген күдігі басым екенін жеткізді.

«Бұл іске белгілі заңгер Инга Иманбай қосылады, Ғалымжанның құқығын қорғайды. Біз әділдік үшін күресеміз», - деп сөзін аяқтады Ахмадиев. 

Дегенмен бейне астында жазба қалдырған оқырмандар шетел жұлдыздары арасындағы толастамайтын дау-жанжал мен төбелес біздің айрандай ұйыған қоғамға да жетті ма, деген алаңдаушылықтарын білдіріп жатыр.

 Бұған дейін бірнеше республикалық және халықаралық терме-ән байқауларының лауреаты, әнші Наркенже Серікбаева Шәмші Қалдаяқов атындағы Түркістан облыстық филармониясында көрген қысымы туралы айтқан еді.

Сонымен қатар соңғы кезде көпшіліктің тілегі ескеріліп, халық қаламаған әншісін қазақ сахнасына жолатпайтын болған. Соның бірі Қазақстандағы даудан кейін  ресейлік әнші Акмаль (Akmal) Ресей әскерилерін қолдайтынын айтып, оларға амандық пен саулық тіледі.

Айтпақшы, жыл басында «Анашым» әніне қатысты дау туып,  композитор Марат Омаров Луинаны авторлық құқықты бұзды деп айыптаған болатын. 

Иә, сондай-ақ, Кенесары хан үшін кешірім сұраған қырғыз әншісі өз елінде сынға ұшырады.

Ұмытыла бастаған шулы тақырыптың бірі еске түсті. «Эй, йоу, орыстар» атты рэп соңғы жылдары TikTok пен instagram-да танымал болды, алайда құқық қорғау органдары дәл осы рэп үшін QazNews24 сатиралық паблигінің жеткшісі Темірлан Еңсебекті жауапқа тартты.