«Бейтарап тергеу қажет»: IATA Ақтаудағы әуе апатына қатысты пікір білдірді

Халықаралық әуе көлігі қауымдастығы (IATА) Ақтау маңында құлаған әзірбайжандық ұшақ туралы тәуелсіз және ашық тергеу жүргізу керектігін мәлімдеді, деп хабарлайды Orda.kz.

IATA қайғылы оқиғадан кейін 30 күн ішінде атқарылған жұмыстар бойынша есеп жариялау керектігін айтты. Сондай-ақ, ол зерттеу Чикаго конвенциясының 13-қосымшасы ережелеріне сәйкес қатаң түрде жүргізілуі керек екенін де мәлімдеді.

«Әуе апатында қаза тапқандардың жақындарына қайғыра көңіл айтамыз. Бұл апаттың неліктен болғанын зерттеп, келесі жолы қайталанбас үшін шара қолдану керек», – деді IATA басшысы Уилли Уолш. 

Уилли Уолш авиациялық әскери қимылдар қасақана немесе кездейсоқ жасалуына келесіде жол берілмейтінін де атап өтті.

8243 Azerbaijan Airlines әскери шабуыл құрбаны болды. Ресей мен Әзірбайжаннан бөлек, тағы бірнеше мемлекеттер ашық және бейтарап тергеу жүргізу қажет. Әлем 30 күн ішінде аралық есептің жариялануын асыға күтіп отыр. Бұл қайғылы оқиғаға қақтығыс тараптарының жауапты екені анықталса, кінәлілер жауапқа тартылып, жазалануы керек», – деп қосты Уолш. 

Осы міндеттемелерді жүзеге асыру үшін IATA «Қауіпсіз аспан» консультативтік комитетінің жұмысын белсенді түрде қолдайды.

«Бұл жұмыс мемлекеттер мен авиакомпаниялар үшін операторлық тәуекелдерді бағалау және қақтығыс аймақтары бойынша нұсқаулық үшін ақпарат алмасу стандарттарын қамтиды» делінген ақпаратта 

Айта кетейік, Ресей әуе апатына қатысты кінәлілерді тауып, міндетті түрде жазалайтынын мәлімдеген болатын.