Балқаштағы демалыс орнында 14 адам уланды

Қарағанды облысындағы «Досжан» демалыс базасындағы 14 адам ішек инфекциясына ұшырап, ауырып қалды.

Бұл туралы  «Патриот» telegram арнасы хабарлады.

Зардап шеккендер арасында 5 ересек адам мен 9 бала бар. Олар Балқаш қаласындағы аурухананың инфекциялық бөлімшесіне жеткізілді.

Болжам бойынша, инфекция себебі – тағамнан улану болып отыр. Қарағанды облысының денсаулық сақтау басқармасы зардап шеккендердің жағдайы орташа ауыр деп бағаланғанын мәлімдеді. Барлық науқастарға қажетті сараптама мен емдеу шаралары жүргізіліп жатыр.