Балаларға жыныстық қатынас үшін ақша ұсынған қарағандылық абақтыға қамалды

Қарағандыда балаларға жыныстық қатынас үшін ақша ұсынған ер адам 8 жыл бас бостандығынан айырылды, деп хабарлайды Orda.kz порталы.

Қарағанды облысының кәмелетке толмағандар ісі жөніндегі мамандандырылған аудандық соты 34 жастағы күдіктінің үстінен қылмыстық іс қозғады.

Қарағандылық ​​тұрғынның бес кішкентай балаға жыныстық қатынас үшін ақша ұсынып, әдепсіз әрекеттер жасағаны анықталды.

«Сотталушының кінәсі кәмелетке толмаған жәбірленушілер, олардың заңды өкілдері мен куәгерлерінің айғақтарымен, кешенді сот-психологиялық-психиатриялық сараптамалар қорытындыларымен, сондай-ақ қылмыстық істің басқа да материалдарымен дәлелденді. Прокурор оны өмір бойына педагогикалық және кәмелетке толмағандармен жұмыс істеуге байланысты лауазымдарды атқару құқығынан айыра отырып, 10 жылға соттауды сұрады» – деп мәлімдеді кәмелетке толмағандардың ісі жөніндегі мамандандырылған соттың баспасөз қызметі.