БҰҰ Бас хатшысы G20 саммиті үмітін ақтамағанын айтты

БҰҰ Бас хатшысы Антониу Гутерриш Римде өткен G20 саммиті туралы айтты. Ол Италияда өткен саммиттен көңілі қалып, үміті ақталмағанын жеткізді.

Бұл туралы Orda.kz хабарлайды.

– Мен G20-ның жаһандық шешімдерді іздеуге деген жаңа міндеттемесін құптай отырып,  Римнен үмітім ақталмай кетіп бара жатырмын, - деп жазды Гутерриш Twitter парақшасында.

Ол сондай-ақ 31 қазан мен 12 қараша аралығында Ұлыбританияның Глазго қаласында өтетін COP26 конференциясынан үлкен үміт күтетінін айтты.

Гутерриштің айтуынша, конференцияға қатысушылардың басты міндеті – «Цельсий бойынша температураның 1,5 градусқа дейін көтерілуіне жол бермеу және адамдардың бейімделу саласындағы уәделерін орындау».