Әзірбайжанда ұсталған Дикий Арманның серіктесі БАӘ-ге экстрадицияланды

Дикий Арманның серіктесі Жанболат Серіков Әзірбайжанда ұсталып, БАӘ-ге экстрадицияланды. 2025 жылдың жаңа жыл түні Дубайда қаржылық пирамида Finiko-ның негізін қалаушы Эдвард Сабировқа шабуыл жасалды. Қылмыс халықаралық резонанс тудырған болатын. Шабуылға тікелей қатысқандар – Анорбек Түмибаев пен Есболат Кенжеғазы. Олар Ресейге қашып кеткенімен, көп ұзамай сол жақта ұсталды, деп хабардайды Orda.kz. 

Алайда, Orda.kz қаңтар айында хабарлаған ақпаратқа зер салсақ, іске басқа да тұлғалар қатысы болуы мүмкін. Солардың бірі – шабуылды ұйымдастырушы ретінде аты аталған Жанболат Серіков.

Серіковтің де БАӘ-ден кетіп қалғаны белгілі болды. Ол Әзірбайжанды паналағанымен, оны көп ұзамай жергілікті арнайы қызмет ұстады. Жақында сот шешімімен Біріккен Араб Әмірліктеріне экстрадицияланды.

Әзірбайжан ақпарат агенттіктерінің хабарлауынша, Серіковке бірнеше ауыр бап бойынша айып тағылған:

Серіков қаңтарда сотталған Арман Жұмагелдиевпен (Дикий Арман) тығыз байланыста болған.  Екеуінің бірге түскен бірнеше суреті бар. Кейбір болжам бойынша, Сабировқа шабуыл Арманның тапсырысы болуы мүмкін.

Айта кетейік, Сабировтың өзі де қазір Қазақстан билігінен жасырынып, БАӘ-де жүрген көрінеді.

Бұған қоса, Жанболат Серіков бұрынғы премьер-министрдің орынбасары, Ұлттық банк төрағасы болған Қайрат Келімбетовтің күйеу баласы болуы мүмкін деген ақпарат та бар.