Автокөлік нөміріне онлайн қалай өтініш беруге болады?

Енді автокөлікке мемлекеттік  нөмір алу бұрынғыдан да оңай. «ХҚКО» мобильді қосымшасында нөмірлік белгілерге онлайн тапсырыс беру сервисі іске қосылды, деп хабарлайды Orda.kz.

«Азаматтарға арналған үкімет» мемлекеттік корпорациясының хабарлауынша, 2026 жылғы 1 қаңтардан бастап азаматтардың сұранысы бойынша қолжетімді нөмірлер тізімі кеңейтілді. Бұл тізімде «таңдаулы»  немесе бірінші және соңғы сандары бірдей «әдемі»  нөмірлер де бар.

Қызметтің қолжетімділігін арттыру мақсатында енді мемлекеттік нөмірді таңдау және тапсырыс беру Халыққа қызмет көрсету орталығы мобильді қосымшасы арқылы жүзеге асырылады.

Нөмірге онлайн қалай өтініш беруге болады?

«ХҚКО» мобильді қосымшасын телефонға жүктеп, қосымшаны ашыңыз.

«Арнайы ХҚКО қызметтері» бөлімін таңдаңыз. Кейін «Мемлекеттік тіркеу нөмірлік белгісіне тапсырыс беру» қызметін таңдаңыз.

Өзіңізге ұнаған нөмірді еңгізіп, қызмет ақысын төлеңіз.

Өтінішті растаңыз. Өтініш мақұлданғаннан кейін, азамат дайын нөмірін белгіленген тәртіппен ала алады. 

Еске сала кетейік, Павлодар облысында маса мен өзге де қансорғыш жәндіктермен күреске 13,6 млрд теңге жұмсау жоспарланып отыр. Бұл қаражат қоғамда әртүрлі пікір туғызған соң,  Orda.kz тілшісі өңір әкімдігіне хабарласып, не себепті дәл осындай ірі қаражат қарастырылғанын сұрап білді.

Оқи отырыңыз:

• Алматыда жеңіл көлік пен жолаушылар автобусы соқтығысып, бір адам көз жұмды
• Жетісу облысындағы тас жолда болған жантүршігерлік апаттан бес адам қаза тапты
• Мас кезінде көлік айдаған судья жұмысынан босатылды