Атыраулық қыздар жергілікті блогер қызды зиратқа апарып соққыға жықты

Instagram әлеуметтік желісінде 13 мыңға жуық жазылушысы бар блогер Құралай Болатованы Стамбұлға тур ұйымдастырған Айдана Ақмурзиева соққыға жықты, деп хабарлайды Orda.kz. 

Атыраулық Құралай Болатова жанжалдың Стамбұлға арналған турды жарнамалауға келіскеннен кейін басталғанын айтады. Құралайдың өзі де Айдана Ақмурзиеваға тур үшін алдын ала 100 мың теңге береді.

Оқырмандарының арасынан Стамбұлға баратындар табылып, олар да ақша аударады. Алайда, тур болмайды. Ал Болатова қаражатты қайтаруды талап еткені үшін соққыға жығылады. 

3 қазан күні кешке Айдана Ақмурзиева мен оның досы Ақбота Нұғманова Құралаймен «сөйлескісі» келетінін айтып, шақырып алады. Бірақ қыздар блогерді қаралап, зиратқа апарып ұрып-соғады.

Жәбірленушінің айтуынша, қыздардың бірі прокуратурада танысы барын, бәрібір ештеңе дәлелдей алмайтынын айтқан.

Сотқа дейінгі тергеу «орташа ауырлықтағы денсаулыққа зиян келтіру» бабы бойынша тіркелді. Тергеуші жәбірленушіге қатысты сот-медициналық сараптама тағайындады.

Айта кетейік, атақты әнші Тамара Асардың жолдасының бірінші некесінен туған ұлы Әлішер қайтыс болды.