Астанадағы көпір үстінде бірнеше көлік соқтығысып, екі адам қаза тапты

Астанада Сарайшық көшесіндегі көпірде бірнеше көлік соқтығысты. Нәтижесінде екі адам оқиға орнында мерт болды, деп хабарлайды Orda.kz. 

Бұл туралы елордалық полиция департаменті мәлімдеді. Toyota көлігінің жүргізушісі Сарайшық көшесімен келе жатып, көпір үстінде рөлге ие бола алмай, қарсы бағытқа шығып кеткен. Соның салдарынан қарсы бетте түзу бағытта келе жатқан Lada және Skoda көліктерімен соқтығысқан.

Аталған жол апаты бойынша қылмыстық іс қозғалды.

Айта кетейік, Алматыда танымал кәсіпкердің 16 жастағы қызы мектепте өзіне қол жұмсауға тырысты. Ол қазір жансақтау бөлімінде жатыр.