Астанада Науаи ескерткіші орнатылды

Бүгін Қазақстан мен Өзбекстан президенттері Қасым-Жомарт Тоқаев пен Шавкат Мирзиёев ұлы ақын әрі ойшыл Әлішер Науаиге арналған ескерткіштің салтанатты ашылуын өткізді.

Бұл туралы Orda.kz хабарлады.

Тоқаевтың айтуынша, бұл қадам қазақ халқының өзбек бауырларына деген терең құрметін білдіреді.

«Бізді ортақ тарих, тіл және дін біріктіреді. Мұхтар Әуезов атап өткендей, Әлішер Науаи тұлғасы өзбек әдебиетінің ғана емес, бүкіл түркі әлемінің рухани қазынасы», — деді Тоқаев. 

Ол Науаи еңбектерінің Қазақстан мен Өзбекстан арасындағы мәдени байланыстардың қалыптасуына зор ықпал еткенін атап өтті.

Мирзиёев Әлішер Науаидың «Хамсасын» қазақ тіліне аударған белгілі ақын Несіпбек Айтұлын атап өтіп, бұл еңбекке алғысөзді жеке Тоқаевтың өзі жазғанын айтты.

«Біздің халқымыз бір-біріне жақын. Біз ортақ мұрамызды мақтан тұтамыз», — деп қосты Мирзиеёв.

Ескерткіштің ашылу рәсіміне екі елдің ресми делегациялары мен шығармашылық зиялы қауым өкілдері қатысып Қазақстан мен Өзбекстан арасындағы достық қарым-қатынасты нығайта түсті.