Астанада ерекше балалардың ата-аналарына тіл тигізген блогер ұсталды

Әлеуметтік желіде gulnara.blogger лақап атымен танымал блогер өзінің Instagram парақшасында дау тудырған бейнеролик жариялап, елдің ашуына тиді. Көп ұзамай оны полиция ұстап әкетті, деп хабарлайды Orda.kz.

Гүлнәр есімді блогер «ауру балалардың әкесі, не шешесі кезінде жеңіл жүрісті болған, содан ауру бала дүниеге әкелді» деп айтқан еді. Кейін оның сөздеріне ашуланған ерекше бала тәрбиелеп отырған ата-аналар полицияға арыз түсірді. 

Полиция блогерді ұстап, кішігірім бұзақылық бабы бойынша әкімшілік іс қозғады. Ведомство іс материалы жақын арада сотқа берілетінін айтты.

Айта кетейік, қазақстандық ерлі-зайыпты Сиднейдегі казинода 1,18 миллион доллар көлемінде алаяқтық жасады деген күдікпен ұсталды.