Астана тұрғынына TikTok-та ұлтаралық араздық қоздыру бойынша іс қозғалды

Астана тұрғынына TikTok-та ұлтаралық араздықты қоздыру бойынша қылмыстық іс қозғалды, деп хабарлайды қалалық полиция департаментінің баспасөз қызметіне сілтеме жасап Orda.kz.

«Аталған факті бойынша қылмыстық іс тіркелген. Ұсталған адам тергеу изоляторына қамалды. Тергеу жүргізілуде» деп жазылған хабарламада.

Экстремизмге қарсы іс-қимыл басқармасының қызметкерлері интернет мониторингі барысында Астана қаласының тұрғыны TikTok-та тікелей эфир арқылы ұлтаралық араздық қоздырған бейнероликті анықтады.

Сараптама қорытындысына сәйкес, жарияланған бейнеде ұлтаралық араздық қоздыру, ұлты қазақ азаматтардың ұлттық ар-намысы мен қадір-қасиетін қорлау белгілері, сондай-ақ қоғам мен мемлекетті тұрақсыздандыруға бағытталған белгілер бар.