Арнайы жасақ қызметкері адам өлтірді: Сот басталды

БҚО-да фельдшерді өлтіргендерге қатысты сот басталды, деп хабарлайды Orda.kz «Менің қалам» басылымына сілтеме жасап. 

Тергеу мәліметтеріне қарасақ, 2024 жылдың 17 қарашасында 30 жастағы фельдшер Дияр Туысов кісі қолынан қаза тапты. Марқұмның әкесі Берік Иржанов ұлының басынан бірнеше соққы алғанын айтты. Жігіт ауруханада көз жұмды. Марқұмды жерлеген күні оның қызы дүниеге келген болатын. 

Күдікті ретінде 24 жастағы Әлихан Биғазиев, 21 жастағы Мирлан Нұрсұлтанов және 24 жастағы Еламан Досқалиев ұсталды. Әлихан Биғазиевтың арнайы жасақ қызметкері екені анықталды. БҚО полиция департаменті мен ІІМ қылмыс кезінде ол органда жұмыс істемегенін, одан бұрын жұмыстан шығарылғанын айтты. Алайда олар жұмыстан шығарудың нақты күні мен бұйрық нөмірін көрсетуден бас тартты. 

Бүгін, 7 сәуір күні негізгі сот отырысы басталды.

Бастапқыда қылмыстық іс «Кісі өлтіру» бабы бойынша тергелді. Бірақ кейінірек бұл іс ҚР ҚК-нің 106-бабына «Абайсызда жәбірленушінің өліміне әкеп соқтырған денсаулыққа қасақана ауыр зиян келтіру» бойынша қайта өзгертілген. Марқұмның туыстары бұл шешімге қарсы шықты. 

Orda.kz алдағы уақытта осы сот отырысы жайлы ақпарат береді.