Арнайы ХҚКО-лар жаңа көліктерді тіркеу мен куәлік беруді тоқтатты

Арнайы ХҚКО-тары көліктерді тіркеу мен куәлік беруде біршама қиындықтар туындады, деп хабарлайды Orda.kz порталы.

Көптеген қазақстандықтар мамандандырылған халыққа қызмет көрсету орталықтарында мемлекеттік қызметтерді алуда қиындықтарға тап болды. Бұл жағдайға «Азаматтарға арналған үкімет» мемлекеттік корпорациясы түсініктеме берді.

«Елдегі барлық арнайы қызмет көрсету орталықтарында жүйенің уақытша дұрыс жұмыс істемеуі байқалады. Осыған байланысты жүргізуші куәлігін беру және көлік құралдарын тіркеу бойынша мемлекеттік қызмет көрсеткенде проблемалар туындауы мүмкін.
Жауапты мамандар функционалдылықты қалпына келтірумен айналысып жатыр. Уақытша қолайсыздықтар үшін кешірім сұраймыз» деді мемлекеттік корпорация.