Аңыз-актер Чак Норрис 86 жасында өмірден өтті

Аңызға айналған актер Чак Норрис 86 жасында қайтыс болды. Ол бес рет қара белбеу алған және «Даңқ аллеясындағы» оның құрметіне жұлдыз қойылған, деп хабарлайды Orda.kz.      

Чак Норрис (шын аты — Карлос Рэй Норрис) 1940 жылдың 10 наурызында Райан қалашығында дүниеге келген.

 «Чак» лақап атын ол әскерде алған. Оңтүстік Кореядағы Осан авиабазасында қызмет етіп жүргенде шығыс жекпе-жек өнерімен айналыса бастайды және 1962 жылы әскерден қайтар кезде тансудо бойынша қара белбеу алады.

Бір күн бұрын ол ауруханаға жатқызылған, отбасы өлімінің нақты себептерін жариялаған жоқ.

«Бүкіл әлем үшін ол жекпе-жек шебері, актер және күштің символы болды. Біз үшін — адал жар, қамқор әке әрі ата, керемет аға әрі отбасымыздың жүрегі еді» деп жазылған Instagram желісіндегі Чак Норристің парақшасында жарияланған мәлімдемеде. 

Әртүрлі каратэ стильдері, бразилиялық джиу-джитсу және дәстүрлі корей жекпе-жек өнері элементтерін біріктіретін чункукдо («әмбебап жол») атты өзінің жекпе-жек стилін құрды (2015 жылы «Чак Норрис жүйесі» деп өзгертілді);

1999 жылы жекпе-жек өнері тарихы музейінің даңқ залына оның есімі енді. Алғаш рет экранға 1968 жылы «Жойғыштар командасы» криминалдық комедиясында күзетші рөлінде эпизодтық көрініспен шықты.

1972 жылы «Айдаһар жолы» фильмінде басты рөлдердің бірін сомдады, ол фильмнің режиссері Брюс Ли болған.

Ол барлығы 40-тан астам фильмге түсті. Кейбірінде оның туған ағасы Аарон продюсер әрі режиссер болды, ал бірнеше фильмде өзі сценарист және продюсер ретінде де жұмыс істеген.

1989 жылы Голливудтағы Даңқ аллеясы жерінде оның есімі жазылған жұлдыз ашылды.

Оқи отырыңыз: 

• «Ақтөбе» ФК ресми түрде мәлімдеді: Нани Love Айкамен кездеспейді
• АҚШ қоғамы Трамптың кенже ұлы Бэрронды Ирандағы соғысқа жіберуді талап етіп жатыр
• Иранға шабуыл: Әлем басшылары дүниежүзілік соғысқа ұласып кетпесе деп алаңдаулы