Алматылық дәрігерлер «Омикрон» келмей тұрып екпе алуға шақырды

Алматылық дәрігерлер «Омикрон»  коронавирус штамы келгенге дейін екпе алып, қайта егілуге шақырды.

— Қалада бар вакциналар тиімділігі жағынан Pfizer-ден кем түспейді, мегаполистегі вакциналау науқанының қарқынын «Омикрон» келгенге дейін арттыру керек, - деді Алматы қалалық қоғамдық денсаулық сақтау басқармасының басшысы Нариман Табынбаев.

Оның айтуынша, бүгінде Алматыда 585 700 доза вакцина: оның ішінде Sputnik V - 33 756, QazVac - 50 009, Vero Cell - 223 755 және Pfizer - 277 987 бар.