Алматыдағы нөсер жаңбыр мен екпіні күшті жел: мектеп пен колледждің шатырына зақым келген

Алматыда кеше, 28 наурызда кешке қарай күн күрт бұзылды. Нөсер жауын жауып, екпіні күшті жел соқты, соның саладарынан қалада 26 ағаш құлаған. 

Алматы әкімдігінің хабарлауынша, 29 наурыз таңға дейін барлық учаске тазартылып, құлаған ағаштар кесіліп, шығарылған.

28 наурыздағы ауа райының күрт нашарлауы мен екпіні секундына 18-24 метрге дейін жететін желден Ақсай-4 шағын ауданындағы №132 мектеп шатырының кей жері ұшып кеткен. 

Мектеп 1988 жылы салынған, кейінгі күрделі жөндеу 2007 жылы жүргізілген. 

Мердігер ұйымдардың күшімен каникул аяқталғанға дейін шатырға жөндеу жүргізіледі.

Бостандық ауданындағы құрылыс және менеджмент колледжінің шатырына аздап зақым келгені белгілі болды. Оны ғимарат иелері қалпына келтіреді.