Алматыда жантүршігерлік адам өлтіру оқиғасы болды

Бүгін түнде Mercure Town тұрғын үй кешені тұрағында жол талғамайтын көлік жүргізушісі қақпаны жаппақ болған күзетшіні бірнеше рет басып өткен.

Содан кейін ол көліктен түсіп, жерде құлап жатқан адамды бірнеше рет соққан.

Қылмыскер көпқабатты үйдің 14-ші қабатындағы үйіне көтеріліп, қашпақ болған. Ол терезеден секіру арқылы өз-өзіне қол жұмсамақ болған. Алайда бұған полицейлер тосқауыл қойып, күдіктіні қолға түсірді.

«Адам өлтіру дерегі бойынша қылмыстық іс қозғалды. Жанжал салдарынан (алдын ала мәлімет) 45 жастағы ер адам күзетшіге өмірге сәйкес келмейтін дене жарақатын салған. Күдікті ұсталып, уақытша ұстау изоляторына қамалды» деп хабарлады қалалық ІІБ.

Алматы полиция департаментінің басшысы Рустам Шәрібаев полицейлер оқиғаның қосымша мән-жайын анықтап жатқанын айтты.