Алматыда оқушы өзіне қол салып, қылмыстық іс қозғалды

Алматыдағы жекеменшік мектептердің бірінде оқушы қайтыс болып, «өзін-өзі өлтіруге дейін жеткізу» бабы бойынша қылмыстық іс қозғалды, деп хабарлайды Orda.kz.      

Полицияда нақтылағандай, оқиға фактісі бойынша тергеу жүргізілуде, барлық мән-жайлар анықталуда.

«Аталған факті бойынша Бостандық аудандық полиция басқармасы қылмыстық іс қозғады. Себеп пен мән-жайлар анықталуда» деп мәлімдеді Алматы қаласы полиция департаментінің баспасөз қызметі. 

Құқық қорғау органдарының деректері бойынша сотқа дейінгі тергеу Қазақстан Республикасы Қылмыстық кодексінің 105-бабы («Өзін-өзі өлтіруге дейін жеткізу») бойынша жүргізіледі.

Astana TV телеарнасының 2026 жылғы 17 наурыздағы хабарлауынша, бір болжам бойынша, апатқа мектептегі бағаларға байланысты үлгерім мен қысым мәселелері себеп болуы мүмкін. 

Оқу орнының әкімшілігі оқиғалардың мектеп аумағынан тыс жерде болғанын айтып, жағдайға түсінік берді. Басшылық отбасына көңіл айтып, қажетті қолдау көрсетіп отырғанын да атап өтті.

Оқи отырыңыз:

• Білім министрлігі Қазақстандағы шетелдік университет филиалдарында оқуға грант бөледі
• Наурызнама мерекесі аясында 747 спорттық іс-шара өтеді
• Референдум-2026: Дезинформацияға қарсы күрес орталығы желідегі жалған ақпараттарды тіркеп жатыр