Алматыда есірткі жарнамалаған жұп ұсталды

Алматыда  есірткі және психотроптық заттарды заңсыз жарнамалады деп күдіктелген ерлі-зайыптылар ұсталды, деп хабарлайды Orda.kz

Ерлі-зайыптылар жастарды заңсыз әрекеттерге тарта отырып, ғимарат қасбеттеріне есірткі хабарламаларын жазу үшін бүріккіш бояулар мен трафареттер қолданған.

Жеке тінту кезінде күдіктілерден граффити салуға арналған түрлі құралдар тәркіленді. Ұсталғандардың екеуі де есірткіге тәуелді және мефедрон пайдаланады.

Ерлі-зайыптылар ақшалай сыйақы үшін ғимараттарға есірткі жарнамаларын жазғаны белгілі болды.

Еске сала кетейік, Orda.kz тілшісі есірткі таратқандардың тағдыры жайлы көлемді материал ұсынған еді . Қоғамның дертіне айналған осы мәселеге үңіліп, тақырыпқа арналған фильмдерді талдадық.