Алматыда ер адам сүйіктісінің өгей әкесін бауыздап өлтірді

Алматыда ер адам сүйіктісінің өгей әкесін жауыздықпен өлтірді. Полицияның айтуынша, қылмысқа екі адамның арасындағы жанжал себеп болған, деп хабарлайды Orda.kz. 

Сұмдық жағдай Алматыда болды. Әлеуметтік желідегі ақпарат бойынша, ер адам азаматтық некедегі әйелінің өгей әкесін бірнеше рет пышақтап, өлтірген. Желіде қанды қылмыстың бейнежазбасы тарады. Оқиғаны жасөспірімдер түсіріп алған.

Айта кетейік, қаңтар айында Ақтөбеде ер адам сүйіктісімен бірге оның қарт ата-анасын кепілге алған еді. 38 жастағы Сәрсенбек Басанов әйелдің анасын 20 рет пышақтап, өгей әкесін балталап өлтірген. Әйелдің ата-анасы алған ауыр жарақатынан көз жұмды. Ер адам өмір бойына бас бостандығынан айырылды.