Алматыда дүйсенбіден бастап тұрақ төлемдері қайта іске қосылады

Алматыда дүйсенбіден бастап көлік тұрақтары төлемі кезең-кезеңімен қалпына келтіріледі, деп хабарлайды қала әкімінің баспасөз қызметі.

Қала әкімдігі түсіндіргендей, Медеу ауданында жаңа жаңартылған ақпараттық белгілерді қолдану арқылы барлығы 12 автотұрақ аймағы,  4 828  тұрақ, оның ішінде 360 мүмкіндігі шектеулі жандарға арналған орын жұмыс істей бастайды. Ақылы тұрақ уақыты күнделікті сағат 8:00-ден 19:00-ге дейін.

Көк базар аймағындағы № 6547 автотұрақ аймағында тариф сағатына 150 теңге тұрады.

«Автотұрақ үшін төлемді келесі жолдармен жүзеге асыруға болады: Almaty Parking мобильді қосымшасы арқылы». Бұл қолданбаны телефоныңызға Play Market және Apple Store дүкендерінен жүктеп алуға болады; almaty-parking.kz сайтында; Kaspi.kz мобильді қосымшасы арқылы ақпараттық белгілердегі QR кодпен төленеді», - деп түсіндірді қала басшылығы.

Бұрынғы оператор A-Parking 2023 жылдың 15 шілдесінен бастап ақылы автотұрақтарға қызмет көрсетуді тоқтатты.

«Автотұрақтарды күтіп ұстау бойынша барлық өкілеттіктер Алматы қаласы әкімдігіне, атап айтқанда, Алматы қалалық ұтқырлық басқармасының «Алматы автотұрақ РВ» МКҚК-на берілді.

 Әр аудан бойынша жер актісі жеке жасалады, сондықтан ақылы коммуналдық тұрақтарды басқару кезең-кезеңімен жүзеге асырылады. Жаңа ақпараттық белгілер операторды, аймақ нөмірін, тұрақ уақытын және төлем әдістерін көрсетеді. 

Бірінші Медеу ауданы қолға алынады, жыл соңына дейін қаланың қалған аудандарын қосу жоспарлануда: Алмалы – 9 қазан, Бостандық – 23 қазан, Түрксіб және Жетісу – 6 қараша, Әуезов, Алатау, Наурызбай аудандары – 25 желтоқсанға дейін қосылады» делінген хабарламада.